Mən içimdən qaçıram. » Divanə Dünyası

Ana səhifə

Divanə haqqında

Əlaqə

www.divaneden.com

Divanə dünyası

ANA!!! Dəniz düşüncələr Dəli duyğular Məhəbbət şerləri Şerlər Hekayələr Videolar

Rəsmi Səhifə

Məhəbbət şerləri : Mən içimdən qaçıram.

Mən içimdən qaçıram.
Sən qaranlıqdan
Səni gecənin tünd rəngi salır təşvişə
Mən...
Mən isə kədərin də qüssənin də
İsıqlı sabahlarından qorxmuşam həmişə
Çəkilirəm, itirəm.
Mən səbrimin zülmətində
Dözürəm ayrılıqlara
Sıgınıb qaranlıqlara...
Mən içimdən qaçıram
Sən tənhalıqdan
Özündə bir özgə yaşamır axı
Özündə bir özgə öldürmür səni
Bir həsrət yükünü daşımır axı
Mən...
Mən isə tək qalmaq istəyirəm
Elə lap əbədi...
Usanıram bezirəm bu inadkar hicrandan
Nədir dərdi?! nədir dərdi?!
Mən içimdən qaçıram
Sən aglamaqdan
Dumanlara düşürsən qəhərə qarışırsan
Gözünün qayğısına qalmağa calışırsan
Mən isə olub özgə bir kimsə
Ürəyimdə yaralı gülüşlərdən qaçıram
Xatirimdə keçmişə dönüşlərdən qaçıram
Ağlamaq istəyirəm
Kovrəlib bu qismətdə hər bitişməz qırıqdan
Utanmayıb hönkürtü hıçqırqdan
Ağlamaq istəyirəm
Ağlamaq istəyirəm...

Mən içimdən qaçıram
Sən yalanlardan
Riyalardan....
Yaman məğrur baxırsan
Sənə tale bəxşişi zirvəli iddialardan
Yaman məğrur baxırsan...
Hər addımda gözümə sancılan
O vəhşi doğruları öldürməyə çalışan
Yalançı cəllad mənəm
Üsyançı cəllad mənəm
Dogrulardan darıxan Sən özündə Yalanım!
Həqiqətdən bezmişəm, istəyirəm aldanım
Yalanim...
İstəyirəm ömürlük varlığına inanım

Mən içimdən qaçıram
Sən yox olmaqdan
Bilsən bu varlıgımda
usanib var olan ürəyim də özüm də
Bu yeriyən yoxluqdan...
Mən içimdən qaçıram
Sən içimə qaçırsan...

Divanədən içindən qaçanlara ithaf!
Məni qinayın...

Divanə

Ürəyimdə bir dəniz var... Söz dənizi... Sahilində susub qalar bu həyat

Sayt haqqında

Saytdakı bütün məlumatlar Divanəyə məxsusdur. Müəllif hüquqları qorunur!!!

Şerləri yazıları Divanəyə aid olduğunu yazmadan yayımlamaq qadağandır! Şer və yazıların mətnində dəyişiklik etmək əsla olmaz!!! Bu şərtlər altında digər yerlərdə yazmaq icazəsi vardır!

İlk olaraq Sayt bir blog kimi 26 iyul 2007-ci ildə fəaliyyətə başlamş, İki ildən sonra artıq 26 iyul 2009-cu ildən sayt olaraq Divanə dünyası yenə də sizlərlə yeni və dəyişilməz məkandadır.

Bütün oxucularıma təşəkkür edirəm!!!

Hörmətlə: Divanə

Email: divane.urek@gmail.com