Ən gözəl qəmim » Divanə Dünyası

Ana səhifə

Divanə haqqında

Əlaqə

www.divaneden.com

Divanə dünyası

ANA!!! Dəniz düşüncələr Dəli duyğular Məhəbbət şerləri Şerlər Hekayələr Videolar

Rəsmi Səhifə

Məhəbbət şerləri : Ən gözəl qəmim

Yıxılıb qalxmağa öyrənib ömür
Zəfəri ümüddən iraq görmüşəm
Ehh...Daha bundan da, o tərəfə nə?
Mən səni sevmişəm özüm bilmişəm
Sən mənim gərəyim, ömür həmdəmim
Həm qüssəm,
Həm dərdim,
Ən gözəl qəmim!

Sən də bilirsənki bu həsrət mənim
Viranə bəxtimin əcəl günüdür...
Səni yandırmağa gəlmədi əlim
Çırıb ürəyimə səpmək də olmur
Yığıb sətirlərə düzür qələmim
Məbədim!
Məhvərim!
Ən gözəl qəmim!

Sənə sığınanda bilməmışdim heç
Sən mənə ən böyük dərd olacaqsan
Özümü qınayıb çəkəndə dara
Sən qəti qərarlı vəd olacaqsan
Boğulub gözümdə donar bu nəmim
Seçdiyim
Sevdiyim
Ən gözəl qəmim!

Ağlımın uşaqlıq vaxtı deyildi...
Ağlıma güləcək günlərə düşdüm
Bu insan qisməti baxtı deyidi
Yaşadım səninlə!
dillərə düşdüm
Bir ayrı yerlərdə itməzki sənim
Həm Arzum!
Niyyətim!
Ən gözəl qəmim!

Divanə zülmətlər küncündə sənsiz
Bir ovuc işiqla səni yazacaq
Səni bu dünyaya verdim kədərsiz
Dərdin də qəmin də məndə qalacaq
Aralı ömürdən deyir ürəyim!
Sevincim,
istəyim,
Ən gözəl qəmim!

Divanə

Ürəyimdə bir dəniz var... Söz dənizi... Sahilində susub qalar bu həyat

Sayt haqqında

Saytdakı bütün məlumatlar Divanəyə məxsusdur. Müəllif hüquqları qorunur!!!

Şerləri yazıları Divanəyə aid olduğunu yazmadan yayımlamaq qadağandır! Şer və yazıların mətnində dəyişiklik etmək əsla olmaz!!! Bu şərtlər altında digər yerlərdə yazmaq icazəsi vardır!

İlk olaraq Sayt bir blog kimi 26 iyul 2007-ci ildə fəaliyyətə başlamş, İki ildən sonra artıq 26 iyul 2009-cu ildən sayt olaraq Divanə dünyası yenə də sizlərlə yeni və dəyişilməz məkandadır.

Bütün oxucularıma təşəkkür edirəm!!!

Hörmətlə: Divanə

Email: divane.urek@gmail.com