Şəhərin sulara düşən yerində...

Ana səhifə

Divanə haqqında

Əlaqə

www.divaneden.com

Divanə dünyası

ANA!!! Dəniz düşüncələr Dəli duyğular Məhəbbət şerləri Şerlər Hekayələr Videolar

Rəsmi Səhifə

Məhəbbət şerləri : Şəhərin sulara düşən yerində...

Qovduqca özümü aparır könül
Addımım kiçilir acizə dönür
Yıxılır ürək!...
Şəhərin sulara düşən yerinə
Ümüdün ömürdən küsən yerinə
Burda mənim üçün bitir bir şəhər
Mənim nər bildiyim acizliyim də
Dözümə dönür!
Ürəyə yol çəkir, çəkir birtəhər
Saçımın qağayı telləri dinir
Könlümün biçarə selləri dinir
Ağlayır səni
Susduqca ucalan bu hicran qəmi
Ağlayır səni
***
Gəldiyim yollara boylanmır ürək
Şəhərin sulara düşən yerində...
Bitir dizlərimin dözüm taqəti
İzinə yol deyib keçə bilmirəm
Mən onun köksündə zərrəyəm axı
Düşünüb boyumca biçə bilmirəm
Gözümün yolunda bir işıq yanır
Bir işıq dünyamdan qoparır məni
Odlarda yanmağa aparır məni
Yox səni əcəlsiz öldürəmmərəm
Eşq boyda dünyaya eşq boyda qəlbə
Həsrəti hicranı güldürəmmərəm
Sən mənim can deyə borcuma gəl gəl!
Əllərim uzanir götürə bilmir
Qanad al çarəsiz ovcuma gəl gəl!
Taleyə qəm deyə bağlı pərçimim
Günahsız, günahkar ağ göyərçinim
***
Qocaman şəhərdən çəkilib gözüm
Daha o yollardan səni ummuram
Cibimdən yarımçıq tökülür sözüm
Sulara düşür
Mənim sən yazdığım şəhərlərim də
Yuxusuz günlərim, səhərlərim də?
***
Dünyanın hər hansı yerində belə
Axtarsa taleyin bu Divanəni
Tapar dalğaların dinən dilində
Şəhərin sulara düşən yerində...
Şəhərin sulara düşən yerində...

Divanə

Ürəyimdə bir dəniz var... Söz dənizi... Sahilində susub qalar bu həyat

Sayt haqqında

Saytdakı bütün məlumatlar Divanəyə məxsusdur. Müəllif hüquqları qorunur!!!

Şerləri yazıları Divanəyə aid olduğunu yazmadan yayımlamaq qadağandır! Şer və yazıların mətnində dəyişiklik etmək əsla olmaz!!! Bu şərtlər altında digər yerlərdə yazmaq icazəsi vardır!

İlk olaraq Sayt bir blog kimi 26 iyul 2007-ci ildə fəaliyyətə başlamş, İki ildən sonra artıq 26 iyul 2009-cu ildən sayt olaraq Divanə dünyası yenə də sizlərlə yeni və dəyişilməz məkandadır.

Bütün oxucularıma təşəkkür edirəm!!!

Hörmətlə: Divanə

Email: divane.urek@gmail.com