Ey ilham pərisi tale yazısı
Hər sətri səninlə başlar qələmim
Qanayar könlümdə bir eşq yarası
Dözməyib fəryada ağlar qələmim

Təsvirin qurulmaz qələm yorulmaz
Yazdım bu eşqimi bil ki, pozulmaz
Mən sənsiz olanda, olub həmdəmim
Bir dəli dəniztək çağlar qələmim

Ürəyimə yazdım səni
Bu taleyə yazmaq çətin
Yox ki, ümüd məhəbbəti
Ürəyindən ummaq çətin

İnanmadın inanmazsan
Bağlanmadın baglanmazsan
Bəlkə də sən anlamazsan
Amma sənsiz qalmaq çətin

Onu mahnılarda axtarmışam mən
Qəmli anlarımı o bilməyəcək
Onu şeirlərdə yaşatmışam mən
Nə acı duyğudur o bilməyəcək

Payız yağışında islandığımı
Mən yalnız onun üçün yarandığımı
Öz gözümə belə qısqandığımı
Hardan biləcək ki, o bilməyəcək

Çökdü gözlərinin rəngi ömrümə
Gözlərində itən gözümlə qayıt
Bu payız nəfəsli soyuq günümə
Məndən apardığın dözümlə qayıt