Mən dənizəm, köksüm üstə dalğalar,   
Qəmlənəndə qayalardı həmdəmim.   
Mən Günəşəm, önümdə göy buludlar,    
Qızındırar bu torpağı atəşim.   

Qəlbimdə ucalan qoca bir dağın
Göylərə dirənmiş uca zirvəsi
Məhəbbət çiçəkli doğma bir bağın
Ən şirin ən lətif dadlı meyvəsi

Mən bu zirvəyə çata bilmədim
Buz kəsdi yorulan ayaqlarımı
Men elə yerimdə ölmək istədim
Yeter ki, enməyim yoxuşlarını

 Mən elə bilirdim mən yaz olanda,  
 Sən çiçək ömrünü bəxş edəcəksən.  
 Mən elə bilirdim mən saz olanda,  
 Mizrabtək simlərdə izləyəcəksən.  

Nə etsən qəlbinə gələcəm yene
Sən məni unuda bilməyəcəksən
Mənə zalım deyib vəfasız demə
Sən məni unuda bilməyəcəksən

Məni yuxularda görməmək üçün
Yuxusuz açılsa hər gələcək gün
Xəyalın mənimdir mənim büsbütün
Sən məni unuda bilməyəcəksən

 Umudu yox etsən
 talasan məni,
 Sevən ürəyimə
 Çəkdirsən qəmi,  
 Sən məni ağladıb dərd-qəmə salsan,    
 İzləyib kölgətək hər gecə səni,    
 Xəyaltək gözünə görünəcəyəm,    
 Səni röyalara gətirəcəyəm.