Onu mahnılarda axtarmışam mən
Qəmli anlarımı o bilməyəcək
Onu şeirlərdə yaşatmışam mən
Nə acı duyğudur o bilməyəcək

Payız yağışında islandığımı
Mən yalnız onun üçün yarandığımı
Öz gözümə belə qısqandığımı
Hardan biləcək ki, o bilməyəcək

Çökdü gözlərinin rəngi ömrümə
Gözlərində itən gözümlə qayıt
Bu payız nəfəsli soyuq günümə
Məndən apardığın dözümlə qayıt

Ürək dinmədi sən getdiyin zaman
Oldu gözümdə hər arzu istək
Bahar gəlmədi sən getdiyin zaman
Soldu qəlbimdə hər gül hər çiçək

Sən elə gəlmişdin sən belə getdin
Gələndə sevincdin gedəndə qəmdin
Ömrümə yazılan yeni bir sətir
Könlümdə qalan da yenə də səndin

Ərisin qəlbinin soyuq buzları
Bəxşişin bir sevgi məhəbbət olsun
Yaxin et sevginlə o uzaqları
Bəxşişin bir sevgi məhəbbət olsun

Yuxuna mən gəlim gecələr sənin
Toxunsun əlimə sənin əllərin
Hər dəfə bir bayram mənə gəlməyin
Bəxşişin bir sevgi məhəbbət olsun

Elə öyrətmisən özünə məni
Sənsiz bu dünyanı qara görürəm
Elə öyrətmisən özünə məni
Səninlə özüməm mənə dönürəm

Sən ayrı yerdəsən mən ayrı yerdə
İndi yoxluğuna dözmür urək də
Elə öyrətmisən özünə məni
Sənsiz bu həyat olmur gərək də