Sonda öz eşqinə layiq görmədin,
Nədən azadlıqdan qopardın məni?
Gözünə qıymadın, bəs onda niyə,
Yatıb yuxulara apardın məni?

Baxışımın göz ünvanı 
Sənə doğru ...
Ürəyimin söz ünvanı
Sənə doğru ...

Xatirən könlümə divan edəndə,

Od olub köksümü dağlayanda gəl.

Gecələr qərq olub qəmə dönəndə,

Aləmdən gizlicə ağlayanda gəl.

Mən qara sətirlərlə çəkdim 
Baharın al-əlvan çiçəklərini.
Qara sözlərlə yazdım nurlu günəşi,
Sözlərimdə coşan dənizin,
Qara sətirlərdə soldu gülüşü.
Sətrimə söz olan hər bir səni də,
Elə qara yazdım...

Bir gecə ömrünə tələsdi qismət,
Demək ki, açılan dan olmalıydın.
Kim bilərdi, bax, o gün bu məhəbbət, 
Gəlməli... Sən mənə can olmalıydın.