Elə bilirdin ki, kiçilməyəcəksən
Dənizin işıqlı ləpələrində.
Zərrə tək düşüncən uzaqdır məndən,
Elə bilirdin...
Elə bilirdin ki, silinməyəcəksən,
Adının üstündən keçən xətlərin,
Ardından gözümə görünməz oldun.
Yandı ürəyimdə atəş də, sən də,
Külün külək kimi sovruldu göyə,
Bilinməz oldun.
Elə bilirdin ki, qar kimi soyuq
Günləri oduna atdığım gündən,

Mənim sevdiyim gözəl,
Qara gözlərin qaçıb
Zamanın arxasınca.
Qara saçların uçub,
Mən səmaya baxınca.
Mənim sevdiyim gözəl,
Əllərinə iz düşüb,
Gözlərinə göz düşüb,
Ürəyinə köz düşüb.

Ucadan ucadır bizi Yaradan,
Nəcibdən nəcib.
Bu qədər dərdlidən bir məni seçib,
Səni dəva yazdı,
Məni can yazdı.

Adın xatirəmdə, sözümdə qaldı, 
Özün duman kimi çəkildin, itdin. 
Səssiz xəyalların evimdə qaldı, 
Küçədən, bacadan çəkildi izin.

Düşüncələr ağlamır gülüm.
Damır...
Qara budaqlardan,
Sarı torpaqlara.
Sonra xəzan yeli əsir,
Quru dodaqlara...